SOLAR TANDEM

Tigsik ko ining pamalumalo

An style sa tios, mayungmayo

Alagad paldo an yaman na tago

Sa kaban kan gobyerno paslo!

Tigsik ko si Senador Caldero

Dati an hiro sa telon sobrado

Ngonian kutohon na barabas cerrado

Takot malapa sa kalabuso!

An dimalas sa sugal tigsik ko man

Mientras na miserable an Buhay

An taga gobyerno orug na nagyayaman

Naraya ka pa! Sugapa! Palpal!

Tigsik ko si Solar Boy dati sobrang tabil

Aw ngonian biglang nag-iba an level

Nagbestida, nagpakindingkinding

Santayan ta nagin si Solar Girl!

Tigsik ko si Solar Boy saka Solar Mom

Ay wow! Maurag talaga an ibahan

Nabuking an saindang kabulastogan

Ngonian takot mabulok sa kulungan! 

Tigsik ko si Loren, Loren Sinta

Sa paldong pirak sa Solar nasola

Nabuking kairiba an aking baklita

Sa ibang nacion sigeng lamyerda!