SOLTERONG BURIKATON

Tigsik kun mauranon na bulan
Minabutwa an sari-saring helang
Kaya aroaldaw dapat maglikay
Flu, cough, cold, fever, anghit maalisngaw!
Tigsik ko an panahon na mauranon
Pareho an problema kan girls saka boys
Mayo nang suloton na brief o kalson
Dae na nag-uundearwear kaya mapreskohon!
Tigsik ko an istambay na huslaon
Sige sana an hakay sa maghapon
Mayo nin kayod kaya rokrokon
Duwa na sana an brief tagiptipon!
Tigsik ko pa an tambay na sosyalon
Pirming badtrip ta mauranon maghapon
Dae makapasadpasad ta malaboyon
Biglang buminagsak an pogi points!
Tigsik ko an bangging malipoton
Pirming kulontoy, bulokon si Manoy
Dae nagaontok sigeng rimongrimong
An hanap malumhok, buhay na tamong!
Tigsik ko an solterong burikaton
Rilipoton alagad habo pang mag-agom
Pig-iipotan na an sakang dumpol
Bako man guna sige an hilumlom!
Yorumlar