top of page

SOSYAL NA AGTA



Tigsik ko po si Liit Bulilit

Ipinangidam sa gamgam na didit

Kun minahibi hirit na hirit

An rait nakakaabot hasta sa langit!


Tigsik ko si Crispulo Pulospogos

Sobrang taririk, kulang an itok

Paghuna siya sana an aki kan Dios

An naratang grasya, kinabig kinamot!


Tigsik ko an sablok na buwitre

Nakamateng gutom matangang banggi

Naglayog, nagtugpa, nag-atake

Inupakan dawa  an lapang karne!


Tigsik ko an lalong na maturognon

Halaba an tuka, habong magsyapol

Bako man guna, nagparahilumlom

Aw ta an balukag ruminugon!


Tigsik ko man si Enteng Bulagting

Nagpaparahanap nin anting-anting

Num, sinuag kan duling na kanding

Sangribong aninipot an nahiling!


Tigsik ko pa si Kaka Hayaka

Pigtaraka sa may kanto kan Dinaga

Nakaurula an panindang baduya

Wow! Pigkutsara kan sosyal na Agta!


Comments


bottom of page