SOSYAL NA AGTA

Tigsik ko an mga barangay

Basta may ayudang ugay

An gabos nag-aalimpasay

Gustong mag-tumbling, daeng huraw!

Tigsik ko an SK Chair na candidata

Aw malanit, superrr ar87mbisyosa

Gabos sana porma, mayong sustancia

Badtrip si Capitana, pig-itsapwera!

Tigsik ko po si Manay Biday

Nagtinda nin calamay

Rinuskay kan barangay

Magdamlag nag-agrangay!

Tigsik ko man si Totoy Bato

Nanganaan pagbatak nin shabu

Kan na-lowbat, nablangko

Balawbagaw sa barangay, juego limpio!

Tigsik ko an barangay Aragitong

An mga babaye burikaton

Sa maghapon na tiripontipon

Nakatahi nin mga usipon!

Tigsik ko an barangay Taraka

Udto na, pwerte pa an tirihaya

Hinayaka’ kan sosyal na Agta

Nagburungkaras, dae nakahimuta’!