SSS Bicol suprisang nag-inspeksyon sa treceng establisimiento de negosyo

Surprisang nag-inspeksyon an mga opisyales kan Social Security System (SSS) sa treceng mga establisimiento de negosyo sa Camarines Sur asin Albay kan nakaaging Viernes, Abril 28, 2023 na kadakli sa sainda pagbalga sa ‘‘non remittance asin non registration’’.

An katuyohan kan ahencia nganing magconducta nin ‘‘Run After Contribution Evaders’’ o RACE campaign.

Sa Camarines Sur anom na mga establisimiento de negosyo na hale sa mga banwaan kan Minalabac asin Pili mantang sa Albay pito an hale sa Ciudad nin Legazpi.

Sa press conference ipinahayag kan opisyales kan ahencia na bako lang digdi ginibo an inspeksyon envez maabot sa labi sa sangatos na sanga kan SSS sa nasyon nganing pagirumdumon an mga employers kan saindang obligasyon base sa ley sa dapat binabayadan na kontribusyon sa saindang mga empleado.

Si dai na nakakabayad kan saindang obligasyon tinawan nin oportunidad an delingkuwenteng employers na magbayad kan saindang responsabilidad sa kontribusyon sa paagi kan flexible payment terms siring kan SSS contribution asin penalty condonation.

Katuyohan kan RACE nganing maprotehiran an deretso kan lambang empleado para man sana sa saindang mga benepisyo.

Sarabay an saindang piglansar na RACE sa manlaen-laen na rehiyon, alagad si mga nagsinutil pigserbihan nin compliance order na dapat simbagon sa laog nin quince diyas.

Kan nagtalikod na taon igwang total na 17 violators na sinangatan nin veinteng caso. (DPA)