top of page

SUPERMAN SARO-SARONG SARAWAL



Tigsik ko an satuyang panahon

Garo nang daragang iguang sumpong

Minsan magayon, pirming nakahuyom

Pero may beses, nagpupurongposong!


Tigsik ko si Tulume

Lipottt, adik sa kape

Aga, odto o banggi

Nerbyos sa agom, grabeee!


Tigsik ko an bangging malipotlipot

May ulunan ka man na nakugos

Kun mayo kang agom na kadurog

An saimong puson pirming makulog!


Tigsik ko an panahon na malipot

Dakol na boys an sa gin maisog

Minabigay tolos sa sarong alok

Alagad sa pagkarigos sobra an talsot!


Tigsik ko an bulan na mauranon

Minaluwas an diskarte kan mga Pinoy

Tanganing no problem sa kalson na suloton

Pigbababaw sa kalderong mainiton!


Tigsik ko ining si Superman

Oragon! Paraligtas kan kinaban

Pero saro-saro an pulang sarawal

Rokrokon ta daeng ontok an uran!

Comentarios


bottom of page