Suplay nin karne sa mercado pigseguro ngunian na pasko

Pigseguro kan Department of Agriculture (DA) na abunda an suplay nin karneng manok asin orig sa panahon kan Pasko mantang ciertong pipilahan nin consumedores ngunian na bulan nin Deciembre hasta sa pagsabat kan bagong taon.

An mga poultry farm maging si may mahiwas na piggery farm sa Bicol nagseguro na awad-awad an saindang suplay sa mercado kasunod kan mayo nang paglangkaw kan mga caso o peste sa sinambit na ataman nin hayop.

Sinabi ni Lovella Guarin, regional information officer kan DA Bicol afuera kan pag-aseguar kan mga supplier igwa nang halangkaw na numero kan mga backyard piggery asin base sa saindang pag-monitor sa mercado.

Piglalaoman na dai naman magpaparalangkaw an presyo huli kan halangkaw na suplay.

Nagbugtak nin check point an ahencia nganing ma-monitor an posibleng supplier nin karneng manok na hali sa Capiz na igwa nang poultry farm tinamaan nin bird flu an nagkapera nindang ataman na ipinahayag kontrolado kan ahencia sa Visayas.

Enot nang nagpatanid si Usec Domingo Panganiban kan DA central office na pinapa-ngalad an pag-angat nin manok asin iba pang poultry products hali sa mga nasyon kan Japan, Hungary asin California huli sa homa kan bird flu.

Kabali sa pinapa-ngalad iyo an sugok, semilya, poultry meat. An aksyon na ini kan ahencia nganing dai na mag-ulakit sa mga hayop sa Filipinas mantang kaipuhan an halangkaw na suplay kan karne ngunian na Pasko.

Afuera pa kaini, dapat maulang an paglaog kan HIPAI virus nganing maprotehiran an populasyon kan manok sa nasyon. (dpa)