SUSPEK NAKUA NANG BANGKAY: Magtugang na babae makangirat na pinaggagadan

Dai pa ngani nareresolberan an pagkakagadan sa sarong 18 anyos na estudiante sa Barangay Panicuason, saro naman na makangirat na krimen sa nakua nang magtugang na Divinagracia sa Barangay Concepcion Pequeña, Ciudad nin Naga kan Deciembre 7, 2025.

Si Alcalde Leni Robredo na tolos nakaresponde sa lugar kan krimen kaibanan si City Director Col. Gilbert Farinas kan Naga City Police Office, tinutokan an caso mala ngani namidmid na an suspek na nginaranan na Marfe Hufancia, 35 anyos na live-in partner kan saro sa mga biktima. An mga patarum na ginamit nakua kan NCPO na saindang evidencia sa pagsangat nin caso criminal.

Hinagad ni Robredo sa imbestigador kan krimen na dapat masunod an protocol sa caso nganing macierto na dai maibasura an caso kriminal sa jusgado.

Naglansar na nin mahiwas na operasyon an NCPO asin PRO5 kasunod kan directiva ni PBGen Erosito Miranda, Acting Regional Director kan Bicol PNP na hidalion an imbestigasyon nganing macasohan sa korte asin maarestar sa lalong madaling panahon mantang midbid na kan awtoridad an suspek.