Suspendidong alcalde nakasakdo nin P450-M

Apesar kan sunod-sunod na suspension sa cada termino, alagad sinabi ni Alcalde Tomas Bongalonta kan Pili, Camarines Sur na padagos an saiyang trabajo nganing makahanap nin fondo para sa proyekto sa saindang banwaan.

Prueba kaini, nakahagad siya sa administrasyon nin P400 milyon para sa konstruksyon kan bagong edificio kan municipio, dai pinadificilan nin dugang pang P50 milyon para sa road construction.

Bako lang fondo nakadisponer pa nin ambulancia na kaipuhan sana an on milyon pesos na counter part kan LGU.

Nanghihihayang an suspendidong alcalde sa saiyang nahagad na P50 –M para sa ipapagibong evacuation center huli ta dai siya tinawan authorization kan Sangguniang Bayan na saro sa rekisitos kan PAGCOR.

Sa ngunian nasa duwang bulan na preventive suspension si Bongalonta sa caso admininistrativo kan siya magtahaw sa ginigibong protest rally kan mga paraoma sa saindang daga na gagamiton kan Capitolio.

Si Bongalonta, bakong kaalyado kan Capitolio Provincial walong veces nang sinuspendi huli sa caso administrativo poon pa kan Gobernador LRay, Migs asin ngunian Luigi Villafuerte.

Dinagdag pa kan suspendidong alcalde pasalamat siya ta nakapabulong sa doctor, nakaasekaso sa mga negosyo para sa saindang familia. Masuripot an Dios dawa arog kaini an ginigibo sa saiya igwang biyaya, sabi pa.

Sa ngunian igwa pa siyang pendienteng caso kriminal sa cyber crime prevention act sa Quezon City Regional Trial Court kaibahan sa caso an apat na pobreng mga paraoma sa Pili.