Tabang: Lalaki Gatok Pisngi Sa May Jollibee

Siguro kadakol an nag aaram kan makaherak na kamugtakan nin sarong Padre de Familia na pirmeng nakatukaw asin naghahagad nin tabang sa may atubangan kan Jollibee na harani sa Plaza Quince Martirez. Siya si Salvador Caguimbal,sarong padre de familya asin residente kan Barangay Sibobo, Calabanga, Camarines Sur. Sa istorya ni Mrs. Caguimbal na iyo an nagbabantay kan mga panindang kawatan asin stuff toys sa atubangan kan Jollibee, dai ninda maisihan kung sain nag gikan ang pag para dakula kan gatok sa pisngi ni Salvador. Antes kaini, si Salvador sarong mahigos na parasisira asin para oma sa kostal Barangay kan Sibobo, ini an lugar na yaon sa boundary kan Calabanga asin Tinambac. Ang hanapbuhay kan mga tawo sa Sibobo iyo ang pag oma asin an pag dakop nin sira partikularmente nin pasayan asin kasag. Ang Sibobo minsan pang nabantog kaidtong mga dekada 70, kan ang itaas na parte kan sarong halangkaw na poon nin kahoy iguang nag apareser na ladawan ni Jesus. An mga relihiyoso nagtutubod na idto sarong Milagro kung kaya ang poon kan kahoy saindng pig kitkit ta ini iyo ang bulong sa saindang kamatean. Sa ngonian mayo na ang halangkaw na kahoy asin mayo nang istorya kung totoo man nanggad na ang kahoy nakaka bulong nin mga kahelangan. An Sibobo mas nababantog ngonian sa linya nin Solar Energy ta ang baybayon kaini haros pa sana pig latagan nin kadakol na darakulang solar panel tanganing makapag producer nin elektrisidad. Dati ang familya ni Salvador maogmang nag iirok sa sibobo sagkod na dai ninda makayanan ang makukusog na mga bagyo kung kaya naisipan nindang mag arkila nin sadit na kwarto sa may Sampagita Santa Cruz. Sa kadikit nindang income pig hahalat ninda ang resulta kan biopsy asin ang pagpa operar kan saiyang pisngi na kaipuhan ang stainless na ikakaag sa irarom kan pisngi. An saindang gagastuson sa operasyon sa BMC dai mababa sa P150,000 asin puede pang magdugang ta ang infection asin gatok nagaabot na sa saiyang sarong mata. Si Salvador an dating mahigos na paraoma asin para sira sa Sibobo, yaon naka tukaw sa may Jollibee asin naghahagad nin tabang tanganing maoperahan ang gatok niyang pisngi.