Tagiptipon na Bra

Tigsik ko po ining si Dyesebel

Nagrampa duman sa Regent Hotel

Sobra, overrr an saiyang bilbil

Wow, ukay-ukay an underwear!

Tigsik ko man ining bagong Darna

An porma talagang pambihira

Flat an daghan kaya igua nin bra

Sus, iguang lawit, nakauldot pa!

Tigsik ko pa daw ining si Narda

Bago nakakurahaw nin DARNAaa!

Hanep, nahuros na po an palda

Si Superman naburarat an mata!

Tigsik ko si Reyna Emperatriz

Nakahalon nin sarong butones

Dae nakapugol, ruminait

Nakatiriris, hulwa an matris!

Tigsik ko si Eva saka si Adan

Mayong mayong palda, mayong sarawal

Nahiling kan halas, pigkantyawan

Nakanood magsulot nin ukay-ukay!

Tigsik ko ining si Cinderella

Sarong magatol na daragita

Nagrampa sa Patio kan Goa

Nawaltak an tagiptipon na bra!