TAMBAY NA BAYAGON

Tigsik ko ining si Salvador Buntol

Sa elementarya nag siyam na taon

Recess an subject na paboritohon

Pirming piglilistohan iyo an balon!

Tigsik ko si Sir sobra an lupet

Sa DepEd sarong Principal suspect

Sa fundo kan eskuwelahan makinupit

An sarong titser inakian  duwang beses!

Tigsik ko si Sir, an puso maherakon

Igua nin scholar apesar na iguang agom

Kaya pabalikbalik na sana sa pag-loan

Loan dito, loan soon, taga London!

Tigsik ko man si Tita Tihaya

Sa buhay dae nakukua an patama

Kan si Visor siya binukaka

Nakua an puwestong makaara!

Tigsik ko ining sarong ahencia kan gobyerno

Pagtukdo nin marhay na virtud an mandato

Alagad iyo ini an maconsuelo-

Ini tatagahan kan mga corapto!

Tigsik ko Ma’am, titser na magayon

Nadestino sa dae pig-aabot kan dagoldol

Sa tinukadtukad sa bukid na halangkawon

Naagom kan tambay na bayagon!