Tarifa sa kuryente kan Casureco I cantidad sanang Php8.96/Khw

Libmanan, Camarines Sur --- An Camarines Sur I Electric Cooperative (Casureco I) Inc. na nagsusuplay nin kuryente sa mga banwaan kan premir asin segundo distrito kan Camarines Sur saro sa mga cooperativa nin electricidad sa Bicol na nagsisingil nin hababang tarifa sa kuryente sa cantidad Php8.96/Kwh.

An tarifa base sa saindang pinakahuring billing sa bulan nin Hulyo 2024 alagad naghahalat kan bagong anuncio kan Energy Regulation Commission (ERC) kun malangkaw o mahuros nin tarifa.

Saro sa dahilan kan hababang tarifa huli ta barato an saindang bakal nin kuryente sa saindang power supplier na Power Sector Asset and Liabilities Management (PSALM) Corporation asin Wholesale Electricity Spot Market (WESM) na may minsan nalangkaw asin nababa an pinapabakal kaining suplay.

Sa ngunian an manijamiento kan Casureco I pinamamayohan ni General Manager Edna M. Valerio na dai palang nahahaloy nag-asumir sa posisyon.

An Php8.96 na tarifa sa residential rate mantang sa low voltage nagcacantidad nin Php7.16/Kwh.

Igua nang labi sa 100,000 na activong miembros consumedores sa coverage area sa mga banwaan nin San Fernando, Gainza, Pasacao, Pamplona, Libmanan, Cabusao, Sipocot, Lupi, asin Ragay.