top of page

Tigsik



Tigsik ko an mga promesa sa mga Pilipino

Saro na dyan an bagas na beinte kada kilo

Ngunyan nagpaparalangkaw pa an presyo

Kadungan kan presyo kan gasolina, krudo


Tigsik ko ining lokal na gobyerno kan Naga

Na igwa nin pagmakulog sa mga kahimanwa

Sa mga tawong nalalangob ta nagkasala sinda

Sa paagi kan ALS, nakatapos kan pag-eskwela


Tigsik ko ining mga sigi sanang balawbagaw

Na mga kahimanwa ta man dyan sa Pasacao

Sa paagi kaining livelihood program kan BFAR

Barutong pankabuhayan itinao sa mga badjao


Tigsik ko ining mga singkit na nakakapongot

Sa mga pang-iikit dai na lamang nasusupog

Kataraid na nasyon, pirit kuanon nanggayod

Kaya sa baha, linog, pinahihinguragan logod


Tigsik ko an mga hoben ngunyan na makaurag

Sa dugay pang edad maurag nang rumalaklak

Kaya amay man na nagkakahilang o natitigbak

Nababayaan na pamilya iyo man makahihirak



コメント


bottom of page