Tigsik

Tigsik ko an buhay baga nin tawo ngunyan

Marahayon pa sana maaraman mo gadan

Dai talaga aram kun noarin an kasagkuran

Kan sinublian na buhay ta digdi sa kinaban

Tigsik ko an mga pinapadangat ta sa buhay

Kun nawawara sa kinaban makulog na tunay

Kaya mantang buhay pa tratuhon nin husay

Dai na makakabawi dawa ano pang alimpasay

Tigsik ko an iba sa mga ataman tang hayop

Kun inaataman marhay an balos pagkamuot

Ipaglalaban kun igwang peligro na minaabot

Daog pa an tawo na sa kapwa dai sana labot

Tigsik ko an mga tawo ngunyan na panahon

Nin huli sa covid an kadaklan an payo ribong

Imbes na gulayon iyong igot na ipigtatanom

Hay inda ta paorog, natong na hulunghugong

Tigsik ko an mga lalaki ngunyan na panahon

Na mga sugarol, parainom asin man hugakon

Nanggulimhay na sa mga aki dai pang kakanon

Naaanggot kun habo na padurugon kan agom