Tigsik

Tigsik ko an besi -president ta na ribong na daa,

Kaya kun ano na sana baga an pigtataram niya .

May mga paghuma sa buhay kan president ta,

Nag- eenganyar pa sa mga tawo na magrali na.

Tigsik ko ining presidente ta na pano na man,

Kan sa iyang besi na kun anu-ano pigtataram.

Mga paghuhuma dai niya pweding pabayaan,

Kun peligroso na sa siguridad kan kagabsan.

Tigsik ko man an maiinit ngunyan na mga isyu,

An manungod sa mga kurapsyon sa gobyerno.

Kun naiimbistigahan sa senado, sa kongreso,

Naka 'whel chair’ na sinda, bako na sa awto.

Tigsik ko, mga kuraptong nagigisa sa senado,

Orog na kan mauurag na yaraon sa kongreso.

Nagtatarakig, nagkakamhol biyo an mga iniho,

Risa an mga pag-utik, pagtakop sa mga amo.

Tigsik ko an mga pulitiko na kan nasa pwesto,

Ipinautob talaga, sa indang pagigin poderoso,

Aatubangon na ninda an mga kaso sa husgado.

Tanganing pagdusahan mga krimin na giniribo.