top of page

Tigsik



Tigsik ko ini bagang mga singkit, tugalsik,

Na sa mga parasira na Pinoy mga makuris.

An WPS gusto na sakupon ninda nin pirit,

Alagad dai ta ini itutugot na sa tuya maikit.


Tigsik ko an mga nag-ulug-ulug na nasyon,

Nag-orgulyo na sinda daa” Godless town ”

Kaya bako makangalas,” God zero mention”

Ngunyan pinadusahan kaya” zero mansion”


Tigsik ko an gawi na magayon kan panahon,

An balon kan eskwela napapatos sa dahon.

Alagad ngunyan kadaklan habo na magbalon,

Sa fastfood na sinda nagbabarakal kakanon.


Tigsik ko an mandata ngunyan na panahon,

Kadaklan, nasa atubangan na nin kakanon.

Imbes pounan an pagkakan nin pangadyion,

Post ngona, nagkakakan kapot pa an celfon.


Tigsik ko man kitang mga parakasala talaga,

Panahon na tangani na magbarago na kita.

Kadakol nang senyales an ipigpapahiling na,

Kan anggot nin Diyos na dapat kita magdusa.

Comments


bottom of page