Tigsik

Tigsik ko ining ki Digong na kaalyado,

Na itataya daa an buhay para sa amo.

Alagad kan si amo enot na maaresto ,

Sa takot, orog nang nagkilyab an payo.

Tigsik ko ining mga vloggers na kalaban,

Kan gobyerno ta na iyong may kagibuhan.

Sa mga “fake news” na nakariribaraw,

Kaya kitang mga Pilipino narerebungan .

Tigsik ko ining nag-iinit na buhay pulitika,

Sa lokal, nasyonal biyo nang nagbabaga.

Kaalyado mo ngunyan sa aga kalaban na,

Birik-birik an tambod kun aanalisaron ta.

Tigsik ko man ining iba sa mga Pilipino,

Na sige pang surog sa raot nindang amo,

Si ginaradan na inosente dai labot kamo,

Haen na an hutok kan mga tawong iniho?

Tigsik ko, mga Pinoy ngunyan na panahon,

Mga pinakamayaman hali sa ibang nasyon.

Maabot an panahon kita na papaharalion,

Kaining mga tsinoy ta kita na dodominaron.