Tigsik

Tigsik ko, mga desperadong ''political party,”

Na ginagamit an baldadong pulitiko sa ''rally.”

Ata palyado na ginugudgod para magamit ini,

Ta sigurado lalangawon kun dai siya present.

Tigsik ko ining mga ganid sa satong gobyerno,

Minamalgastar, mga pondo para sa mga tawo.

Mga kalag, ginagamit sa resebo kan mga iniho,

Alagad nadidiskubre man sana mga panloloko.

Tigsik ko an mga Pilipinong grabe kapanatiko,

Aram na may krimeng ginibo orog pang iniidolo.

Logod mapagmata na, mag-isip-isip nang tutuo,

Dawa gurang na kun may sala, magdusa si amo.

Tigsik ko an mga tawong maiinit an alimantak,

Mga tsuper, pasahero na garo pirmi mauurag.

Diit na diringkilan sa trapiko tulos nadurulak ,

Kaya kagadanan, sa languban sinda nabagsak.

Tigsik ko inin kadaklan ngunyan na panahon,

Horoben pa, mga mata tulos nang madiklom.

Nin huli sa mga gadgets na pirming garamiton,

Orog an celfon na kapot mag-aga, maghapon.