Tigsik

Tigsik ko ining nakaagi pa sanang pirilian

Si mga nanggana grabe an kaurogmaham.

Alagad si nagkadaraog nasa kamurunduan,

Pahingurag si gastos, grabe pang kapagalan.

Tigsik ko man si iba sa mga nanggarana na,

Na ibinoroto dawa dai nin karibay na kwarta.

Nakakaorgulyo, magian sa konsensya ninda,

Ta dignidad kan botante dai pigratakan sana.

Tigsik ko man an ibang nadaog na makahirak,

Ta grabe si kapagalan haros maubos an pirak,

Nin huli man kan mga botante na makaurag,

Dai man palan iboboto, nagparakua nin hagrak.

Tigsik ko an hayahay an buhay ngunyan baga,

An mga lideres na an ngirit sobra pa sa talinga.

Ta si pondo dai ipinanao gabos, isinubi an iba,

Kaya pwede nang makabakal motor asin iba pa.

Tigsik ko man an mga maestro asin maestra,

Na sa sosyodad ta grabe an pakinabang ninda.

Apwera kan pagtaong edukasyon sa kaakian ta,

Kun panahon nin pirilian kaipuhan talaga sinda.