Tigsik

Tigsik ko si dating alkalde, Jesse M. Robredo,

Simple asin mapagpakumbaba siyang tutuo.

Ta kun may mga kalamidad, baha ta binagyo,

Nagtatabang paghali kan dalnak sa tinampo.

Tigsik ko si Jesse M. Robredo kan buhay pa,

Kun naglalakaw-lakaw o naglilibot-libot siya.

Pirming nakashort dangan nakatsinelas sana,

Mga gawi na dapat pangarugan nin kapwa.

Tigsik ko an sa tuya ngunyan na president,

Na pigbaralasa, an mga “cabinet secretary.”

Tanganing siripon, naginibuhan kan mga ini,

Si may tultol na gibo, sa pwesto mapipirmi .

Tigsik ko an mga sikat na Pinoy na parakanta,

Na sa nasyon ta nagdara nin dakulang honra.

Saro-saro nang sa kinaban nawawara sinda,

Daing naginibo an yaman na maisalbar sinda.

Tigsik ko kun babawian na nin buhay an tawo,

An kasikatan an poder, kwarta daing maginibo.

Tanganing masagang an kagadanan na tutuo,

Kaya kun buhay pa, magpakumbaba nin husto.