Tigsik

Tigsik ko ining realidad asin an katotoohan.

Imbitaran mo sa burunyagan, sa karasalan,

Sa kamundagan, anibersaryo dai madiriyan,

Kun gadan, minaarabot dawa dai irimbitaran.

Tigsik ko man ining makauyam na kaugalian,

Naghagad tabang sa paryentes dai tinawan,

Tumabang man may kaibang tabuga,yamyam,

Alagad nagsisiribot maglimos kun nagagadan.

Tigsik ko man kun sa pamilya may nagagadan,

Ibang paryentes,kaamistad,namumundo man,

Apwera sana kun pasaway man an nagagadan,

Ta ipig-uogma, pigmamarhay pa kan kadaklan.

Tigsik ko an mga Pilipino na sa ngunyan baga,

Haloy na nin halat, haloy nang nakanganga.

Sa “impeachment trial” ni BP noarin na daa?

Na malinawan kun an kwarta ta isinubi talaga.

Tigsik ko an mga nangyayari sa satong kinaban

Mga trahedya, kalamidad grabing kinatatakutan.

Dagdagan pa kan mga nasyon na nagraralaban.

Makahirak an nagugutom na kaakian, mga gurang