Tigsik

Tigsik ko an verso Timoteo 2: 9 na an sinasabi,

Magsulot nin may kapormalan an mga babayi.

Tangani na dai magin dahilan na an mga lalaki,

Sa paghiling pa sana nagkakasala na an mga ini.

Tigsik ko an nangyayari sa satong kapalibutan,

Sa mga paglinog, sa pagbaha nanganganaan.

Dawa ano pa an gibuhon dai na masasagang,

An labi-labi nang kaanggutan ni Kagurangnan.

Tigsik ko an mga lugar sa Pinas na harababa,

Na kun tig-uran nagsusumu-sumo nin baha.

Sa buhay, pagsasadiriri an epekto pangana,

Sa liptospirosis, sa mga bitis pa na nalalapa.

Tigsik ko pa kun igwa nin maraot na panahon,

Mamundo sa mga tios, kun daing preparasyon.

Delikado an kamugtakan, dai pa nin kakanon,

Mahalat na sana kun may ayuda o panrasyon.

Tigsik ko ining sabi kan satong bise presidente,

“Kun dai kuta na nagin mag-amigo, ” an sabi.

An sarong pastor dangan kan ama man kaini,

Kuta na dai pareho, bugtak na bakong pwerte.