Tigsik

Tigsik ko an Juan 4:24 na sinasabi kan verso,

Na an Diyos ispiritu, bakong kahoy, semento.

Mga nagsasamba dapat magsamba sa tutuo.

Sa tunay na Diyos na buhay sa Diyos Ispiritu.

Tigsik ko man ini bagang buhay ta sa kinaban,

Dawa gurano kasikat, kapoderoso, kayaman.

An mga iyan dai makapupugol sa kagadanan,

Pobre,mayaman irarom nin daga an lubungan.

Tigsik ko si PBBM, na sa paglibot dismayado,

Ta sa kadakulan na pinondohan na patrabaho.

Alagad golpi palan kan mga kalag na proyekto,

Igwa man nahaman pero ampaw an pakagibo.

Tigsik ko an mga buaya, mga linta sa hubas,

Na dai pa nanggad kontento sa mga hinabas.

Baradat na harabo pa giraray na bumurutas.

Dai supog sa kaban kan banwaan manlimas.

Tigsik ko man an mga naggururang na daraga,

Makaherak ta paggurang daing maataman daa.

Mas makaherak kun nagkaaki pinabayaan sana,

Dai man sana naataman ta si mga aki daing data