Tigsik

Tigsik ko an panahon na para sa mga tawo,

An pagsaDiyos asin an pagsamba na tutuo.

Sa tunay na Diyos, sa gabos iyo an kaggibo,

Na bakong kahoy, bako gapo kundi ispiritu.

Tigsik ko man an mga boyadores na logod,

Kun traslacion, fluvial procession naabot.

Dai nanggad magtagay nin agwa de bilog .

Tangani dai kaabtan an hawak na nabanog.

Tigsik ko an ki PBBM na maisog na sinabi.

“Masupog man kamo,” sa mga parasubi.

Kan kwarta ta na mga buaya an nakagolpi.

Si mga mahibog dai nin girong dawa guilty.

Tigsik ko an mga senador asin kongresista,

Dai logod maimbwelto sa mga anomaliya.

An obligasyon ninda maggibo nin ley sana,

Bako na magin kontratista na makikwarta.

Tigsik ko kun panahon nin piyesta sa Naga,

Kadakol kan mga dayuhan na oportunista.

Kaya an mga deboto maglikay nanggad na.

Na dai mabiktima kan pambubudol ninda.