Tigsik

Tigsik ko kun may miaabot na kalamidad,

Magsarig sana sa Diyos dai matakot dapat.

Ta an kaligtasan yaon sa iya sana nanggad,

Magpangadyi sana kita asin makimaherak.

Tigsik ko kun aram ta na parakasalaon kita,

Magbakli na kita ngunyan ta noarin pa baga.

An kaanggutan nin Diyos ipigpapahiling na,

Magimata na an gabos ta may panahon pa.

Tigsik ko man ining mga lugar na harababa,

Sa diit na uran-uran, tulos man minabaha.

Herak man kan may mga harong na garaba.

Delikado pa sa salod, paglamutaw sa baha.

Tigsik ko kun igwa nin maraot na panahon,

An apektado nin marhay asin ta haraditon.

Kitang mga pobre, dai tultol an mga harong,

Ta kun an buhay asin pagrorogaring iaratong.

Tigsik ko man kita bagang mga magurang,

Dai natatapos mga obligasyon sa kaakian,

Kaipuhan kan mga makoapo tinatabangan,

Sa pagtaong mga ayuda daing kasagkuran.