Tigsik

Tigsik ko ining sarong versong nasa Biblia,

Na an Diyos an nagtatao gabos na kaipo ta.

Siya man an nagbabawi asin pwede kumua,

Kaya magin mapagpakumbaba na pirmi kita.

Tigsik ko an isyu sa mga kuraptong pulitiko,

Sabi ni Pres. Marcos,” dai malangkag kamo.

Dai dapat madalion an pagsangat nin kaso.

Dapat mga ebidensiyang makukua sigurado”

Tigsik ko man ini bagang helang na dengue,

Sa ibang lugar naglalangkaw an kaso kaini.

Sa Syudad nin Naga kadakol man nadadali,

Dapat linigon an palibot kan mga residente.

Tigsik ko pa an uso ngunyan, ining trangkaso,

Na madalion makaulakit orog kun nag-aabo.

Kun may saro sa pamilya, uubuson sigurado,

An ibang “face to face” na klase suspendido.

Tigsik ko ining selebrasyon kan piyestang kalag,

Mga halloween party, nauusong mga aktibidad,

Mga magurang, an mga aki nindo ilikay an dapat,

Ta an pig-aaleluya kaiyan iyo si satanas nanggad.