Tigsik

Tigsik ko ining nasa Biblia na dapat tang tandaan

Mahiwas na dalan kan pasiring sa kapahamakan.

Hayapit an dalan sa buhay na dai nin kasagkuran.

Magtubod na kita sa tataramon nin Kagurangnan.

Tigsik ko pa ining mga nangyayari sa gobyerno ta,

Ribong na an mga Pilipino kun ano an tutuo baga.

Sa mga alegasyon asin depensa kan mga buaya,

Habo pa arakuon dawa risa na an kasalan ninda.

Tigsik ko kun tunay na magturugang mananggad,

Aram kan gabos na magtatarabangan man dapat.

Bakong arog kaining sarong senadorang makaurag,

Makaduda ta an tugang niya pigraraot, ipigtitikrag.

Tigsik ko an mga nasa gobyerno ta na mga traydor,

Orog na ining mga kuraptong kongresista, senador.

Sa mga kaputikan, alegasyon saro sana an direktor.

An mga kalaban na, si PBBM gusto ibala sa tirador

Tigsik ko kun gusto nin buhay baga na maginhawa,

Sa oroaldaw, pagmata pa sana nyato sa pagkaaga.

An Diyos hanapon ta, pagpangadyi iyong enoton ta,

Tanganing an gabos na kaipo ta maarabot na sana.