Tigsik

Tigsik ko an sa tuyang mahal na harong,

Dai maapod na harong kun an mag-agom,

Pirming nag-iiriwal, kaya mga marebukon,

Dapat pirming Pasko tangani matuninong.

Tigsik ko an Pasko, an tunay na kahulugan ,

Pagkamuot sa kapwa tawo, pagdadamayan.

Kaya sag abos na oras kita magkaminuruutan,

Asin dapat padanayon para sa katuninungan.

Tigsik ko man an mga tawong nagtitios, tikapo,

Dai tanto kun daing dakol na kakanon o regalo,

Basta tuninong an pamilya ngunyan na Pasko,

Simpli sanang selebrasyon pero maogma kamo.

Tigsik ko an mga kaakian ta ngunyan na Pasko,

Ipahiling man, pagkamuot sa magurang nindo.

An mga obligasyon sa harong, magtrabaho kamo.

Na maogma man sinda sa pagtaong mga regalo.

Tigsik ko man kun nagseselebrar kaining Pasko,

Dai man logod magkarerebong an mga babaero

Na an mga regalo na para sa mga agom na tutuo,

Bako sa mga sambay o piday maipadara, maitao.