Tigsik

Tigsik ko kitang mapagmahal sa pamilya,

Mantang nagmamangno pa mga mahal ta.

Mga gusto tang sabihon ipaabot na sa inda,

Kun dai kayang personal sa social media na.

Tigsik ko an mga nasa senado na daa epal,

An mga Pilipino ginigibong nang mga patal.

Sa indang mga drama, moro-moro garapal,

An magtubod sa inda saro man mga palpal.

Tigsik ko an mga opisyal nin gobyerno baga,

Na sa kurapsyon imbwelto an sabi sa istorya.

Karapat-apat pa daw sinda sa paggalang ta?

Angay daw na apudon pang honorable sinda?

Tigsik ko, ibang mga nasa lokal na gobyerno,

Nalilingaw sa tamang pakikiiba sa mga tawo.

Kaya kun igwa nin kontra sa ley na nagiginibo,

Pirang bulan na suspendido na dai nin sweldo.

Tigsik ko kun may mga “reunion” sa eskwelahan,

Dapat mag-aratendir tangani maghirilinga man,

Orog si mga kaklase na haloy dai nagtuturuparan,

Alagad mag-orogma sana na dai magpasirikatan.