Tigsik

Tigsik ko an mga nangyayari na sa ngunyan,

Pano na baga nin kararatan digdi sa kinaban.

Sa mga nangyayari, mga tawo pinatatanidan,

An dai magbarago sa kalayo mapapaduman.

Tigsik ko man an mga nagwalkout sa senado,

Ta nagpahiling na dai minauyon sa mga gusto.

Na ipautob an ley kaining mga traydor na tutuo,

Dawa nalalangob an myembro, may masweldo.

Tigsik ko ngunyan an senado na sikat na talaga,

Daog pa an mga artista sa entablado, pelikula.

May aksyon, may drama, komedya asin iba pa.

Sa bilog na kinaban an kasusupgan bantog na.

Tigsik ko pa ngunyan an nasyon tang dimalas,

Tatagan nin mga oipisyal na kurap, mahabas.

Paryentes nin mga tawong kaarog ni barabas.

Traydor sa mga Pilipino, na kabaing ni hudas.

Tigsik ko ining sarong senador na uminuyon,

Na pamayuhan an Committee 0n Education.

Maghugay barabas an aram ata nasa sesyon,

Dai daw masayang sana an pondong trillion?