Tigsik

Tigsik ko an mga nagsasapo nin makukulog,

Ta sa mga kamatean, kahilangan uminabot,

Humagad na tawad asin sa Diyos dumulok,

Siya sana makakabulong sa indo nanggayod.

Tigsik ko an mga hobenes, mga estudyante,

Na an iba sa inda nagigin na mga bayolente

Nangungulog, manggagadan na an mga ini,

Siisay dapat basulon sa siring na nangyayari?

Tigsik ko an mga nadadalan sa celfon o sa t v,

Sa mga makaurag na drama, sa mga teleserye.

Maraot na epekto sa isipan an mga nangyayari,

Kaya dapat pillion an mga hihilingon na pasali.

Tigsik ko, mga magurang na nagsasakripisyo,

Naduman sa ibang nasyon para magtrabaho,

Para sa pamilya tangani an buhay umasenso,

Makaheherak kun napapasala kan mga plano.

Tigsik ko an mga paagi ni satanas sa mga tawo,

Tangani dakol an makaibahan niya sa impyerno.

Mga gadget ginagamit na makapandaya nin todo,

Dahil sa celfon, nalilingawan an Diyos na tutuo.