Tigsik

Tigsik ko an mga tawong buta sa katotohanan,

Na nagpaparasaramba sa mga diyus-diyusan.

An tunay na Diyos nag-oorog na an kaanggutan,

Ta an sinasaramba, nilalang bako an Kaglalang.

Tigsik ko kun igwa nin problema na inaatubang,

Kun sasadirihon mo dai mo kayang solusyunan.

An kaipuhan dumulok na sa satong Kagurangnan,

Ta Siya sana an makakataong solusyon o tabang.

Tigsik ko an mga tawong raot, rebong na an payo,

Tugang imbes tabangan pigraraot an pagkatawo?

Tangani sanang magpahamot sa demonyong amo,

Kun arog kaiyan bako siyang tugang na tunay, tutuo.

Tigsik ko,mga sa celfon na malaen tang nadadalan,

Ano ta may naluluwas, nagtatarakudan garo ayam?

Dawa gurang an nakakahiling malaen namamatean,

Ano pa kaya kun an makahiling iyo an mga kaakian?

Tigsik ko an iba na dai nagtutubod Diyos na tutuo,

Alagad kun nasasakitan o kun buhay nasa peligro.

Nakakaromdom na mag-apod sa Ama ta o ki Kristo,

Kun dai sa kasakitan dai makabisto sa Diyos Ispiritu.