Tigsik

Tigsik ko an kadaklan na mga deboto baga,

Buta sa tutuong pagtubod asin pagsamba.

Mga diyus diyusan iyo an mas ipig-aaleluya,

Kaya man bilog na kinaban nagdudusa na.

Tigsik ko saen man na lugar kun nay piyesta,

Pagkatapos kan kapagalan grabe an basura,

Kaya an mga basurero man pasalamatan ta,

Ta mabarata an kapallibutan kun mayu sinda.

Tigsik ko an buhay kan mga tawo sa ngunyan,

An kadaklan golpe nang namamatian o hilang.

Pirmi nang nangungunukuno sa mga hospital.

Hull sa masisiram, puro kemikal na pagkakan.

Tigsik ko an iba sa mga paratinda kun piyesta,

Nasa itaas kan market minababa sa bangketa.

Turutagalog magtaram sagin man taga Manila,

Kaya, mga parabakal naeenganyar man ninda.

Tigsik ko kun traslacon, fluveal procession,

An mga boyadores na lasngag na pasalihon.

Imbes na magdebosyon, de bote an misyon,

Kaya makasupog, makauyam na paghilingon.