Tigsik

Tigsik ko ining super el nino na maabot na,

Kaya an mga tawo pigpapapreparar talaga,

Magbarakal nang balde, dram, palanggana,

Na kun mag-uran na may pangsalod na kita.

Tigsik ko ining sarong pastor na makaungis,

Ginamit an Biblia na magin bastante sa tsiks.

Golpi an nagin biktima kan pagigin manyakis,

Ngunyan gusto nang kuahon, darahon sa US.

Tigsik ko pa ining peste, peligrosong namok,

Delikado Talaga kun sa lawas ta makatudok.

Kaya dapat maglinig pirmi sa satong palibot,

Tangani sa helang na dengue dai makaabot.

Tigsik ko man ining mga guran, guragod na,

Kun gusto nindong an buhay maghalawig pa

Umulmong na kamo sa indong harong sana.

Dai na ngona magpararabas ta an init sobra,

Tigsik ko man ining sobrang init na panahon,

Dai kita mag- ekonomiya sa tubig na inumon.

Dai isipon an kuryente, dapat na mag-aircon,

Kaysa kun ma “ heat stroke” mahal an bolong.