top of page

Tigsik

Oct 31
1 min read

Tigsik ko kitang mga tawo na makasalanon,

Oras na, na an gibong mararaot porondohon.

Ta sigurado na sa impiyerno kita lalandagon,

Kun umabot na an panahon nin paghuhukom.


Tigsik ko kun poporondohon na an mga bisyo,

Orog na an pagsugal, pag-inom, paninigarilyo.

Ekonomiya na sa gastos, an pamilya trangkilo

Kaya dakol nang mag-aragom, dai madibursyo,


Tigsik ko man ngani an mga kapay na babayi,

Dai makihampang sa nag-iirinuman na lalaki,

Ta kun mga lasngag na aram na an mangyayari,

Sa puntong ini siisay baga an pirming pyerde?


Tigsik ko an mga horoben pang parainom na,

ibinabakal alak, imbes para sa pag-eskwela.

Kun lasngag na, mga babayi pulutan na sana,

Kun nagkakaproblem, paano an futuro ninda?


Tigsik ko pa an mga tsuper na dai disiplinado,

Ipiglulunad, nagpapalusad nin mga pasahero.

Na dai labot dawa nasa tahaw pa kan tinampo,

Gawi na ini delikado, nakakaapekto sa trapiko.

Comments


bottom of page