top of page

Tigsik



Tigsik ko an agrangay na kan mga tawo

An mga barakalon paliog baga an presyo

Pagmahal kan asukar, minapait na tutuo

Haen na an mga promisa kan gobyerno?


Tigsik ko man an iba sa mga taga media

Kun makakomentaryo grabe man talaga

Kaya an iba pinapahabungal na nin bala

Magluway-luway ta sayang kan buhay ta


Tigsik ko kun igwang makulog na ngipon

Sa sobrang kulog dai talaga patuturugon

Sagkod sa arimpuro an hibot makulugon

An pinakaremedyo, pastahan o gabuton


Tigsik ko ining buhay ta baga sa kinaban

Pagbawi kan sinublian na buhay dai aram

Mantang buhay pa gumibo nang marahay

Na an kalag ta, marhay an mapadumanan


Tigsik ko man ining tanom kong petsay

Kaayon nang pirmi sa luto na sinanglay

Kun igisa sa sardinas masiram na tunay

Simpling panira alagad pwerting marhay

Comentarios


bottom of page