TIGSIK KING

Tigsik ko an ibabaw kan mundo

Duwa man sana an klase kan tawo

An pabebe saka an pabibo

Sus, parehong makulog sa payo!

Tigsik ko ining sakong Madi

Nakamate nin harasahas, grabeee

Nagyabayaba, aw, mayong panty

Enjoy an mga istambay sa kalye!

Tigsik ko an mga tambay sa kanto

Pasadpasad na ta mayong gibo

Sige an hakay, boblay mo,  Bro!

Nalalaboy mo na an tinampo!

Tigsik ko man si Unico Solitario

Mayo ni sarong amigo sa mundo

Sanggatos nang taon sa desyerto

Kaulay-ulay an sadiring anino!

Tigsik ko po ining si May Tisay

Paratahi nin istoryang utay-utay

Sige an panglibak kan mga kabarangay

Dae pa nakapanghimuta agang amay!

Tigsik ko po an paratigsik

Nangkikiblit, nagpapangirit

Nangpipitik, nanglalatik

Maharatihit, superrr lupet!