Tinampo kan Sitio Almeda, Barangay San Felipe

An nasa retrato iyo an tinampo kan Sitio Almeda sa Barangay San Felipe, Ciudad nin Naga na perming laboyan kun tig-uran na haloy nang pighagad nin tabang sa City Hall asin Barangay na madampingan nin madrigal alagad sagcod sana sa pangako.

Kan nagtalikod na administrasyon kan City Hall sarong petisyon pighagad nin tabang asin sa barangay pigpangakoan kan gobierno lokal na gigibohon kan bulan nin Marso 2024 alagad mayong nangyari.

An petisyon permado nin nasa 75 residentes kan barangay na pinadarahan man kopya an barangay kapitan alagad nahulog sa pangako.

Huli kaini, naghahagad nin tabang sa bagong liderato ni Alcalde Leni Robredo na magibohan nin solusyon mantang nagtitiwala an mga residentes digdi sa political will kan bagong jefe ejecutivo.