top of page

Tipid tips sa kuryente sa paggamit appliances

Sa tahaw kan pagnipis sa suplay nin kuryente an National Grid Corporation of the Philippines (NGCP), padagos kan saindang advocacia sa publico sa paagi kan ‘Tipid Tips’ sa paggamit kan appliances sa harong ngunian na El Niño phenomenon.


Ipinahayag kan NGCP na objetivo kaini nganing magbawas sa consumo alagad bawas gastos sa kuryente mantang kun na-declarang ‘‘red alert’’ nagkakaigwang brownout an mga cooperativa nin electricidad sagcod nagsasapo nin harasahas an miembros-consumedores.


An mga gamit sa harong na appliances kun sa bentilador dapat regular na linigan an fan blades nganing mas makusog an duros, mas, matipid para sa consumo. Sa television – dai pagpabayaan naka standby mode maging iba pang appliances huli ta nagcoconsumo man ini nin kuryente, dapat tanggalon sa saksakan kun dai ginagamit.


Sa paggamit nin ilaw – nganing mas maliwanag an mga bumbilya, ugalion na punasan asin linigan an mga ini para mahali an mga alpog asin gamiton an led na bumbilya – mas makakaminos halos 75% kumpara sa incandescent na bumbilya.


Sa paggamit frigidir – Dapat I-defrost an ref paglampas na sa ¼ pulgada an yelo asin reparohon na marhay an pagkakasara kan pinto para seguradong dai nagluluwas an lipot.


Sa paggamit plantsa – Dapat i-schedule an pagplantsa sarong beses cada semana. Gibohon ini sa off-peak na oras o antes mag alas 9 nin aga o pagkatapos nin alas 9 nin banggui.


Asin sa paggamit nin aircon – Dapat linigan an filter asin condenser cada anom na bulan asin isarado an pintuan sagcod bintana antes bukasan an aircon nganing madaling maglipot.

Comentarios


bottom of page