top of page

Tolong lugar sa Bicol napilibilang exam center sa PNPE

Nagkakalap nin bagong mga pulis sa bilog na nasyon sa paagi kan pigtalaan na PNP Examination (PNPE) kan National Police Commission (NAPOLCOM) sa Hunyo 30, 2024, digdi sa Rehiyon Bicol tolong mga examination center an napili.


Sa pinaluwas na advisory kan ahencia an tolong exam center iyo an Regional Office V, Rawis, Ciudad nin Legazpi, Camarines Sur PNP Provincial Office, Concepcion Grande, Ciudad nin Naga asin sa Capitol Dome 2nd Floor, Catanduanes Capitol Bldg. Virac, Catanduanes.


Dai na kinakaipuhan magpasiring sa opisina rehiyonal kan NAPOLCOM an mga aplikante envez puede sa online registration na nagpoon kan Lunes, Mayo 6, 2024 gamit an link na: http//Napolcom-noss.org/


An mga calificado sa examination kinakaipuhan nag-eedad nin 21 anyos sagcod dai masobra sa 30 anyos, nagtapos nin dawa anong bachelors degree asin iba pa.


Nagdadakul na an mga interesado na maging pulis huli ta halangkaw an sueldo asin dugang na mga benificio mantang naririsa ini sa mga datus na nagdadakul an mga enrollees sa mga Universidad o colegio na nag-oopresir nin kurso sa college of criminology mantang calificado man dawa nagtapos sa ibang bachelors degree.

Commentaires


bottom of page