1,656 na miembros kan PNP nagparticipar sa LAV

Abot sa 1,656 na miembros kan Philippine National Police sa Bicol an nagparticipar sa tolong aldaw na local absentee voting (LAV) komo pag-andam sa saindang responsibilidad sa paz y orden sa midterm elections sa Mayo 12, 2025.

Nagpoon kan Abril 28, 29, asin 30 an LAV mantang kinababalihan ini kan 57 personahes hale sa Regional Headquarters, 1,093 na miembros kan Police Provincial Offices asin sa Naga City Police Office, 251 opisyal hale sa Regional Mobile Force Battalion 5, asin 255 personnel hale sa regional support units.

Mga candidatong senador asin party-list an saindang binotohan dai kabale an mga lokal na candidato.

An LAV program nganing maseguro na makaparticipar sa eleksyon an mga awtoridad siring kan PNP, Philippine Army maging empleados nin gobierno.

Huli kaini, si nakaboto sa LAV kabale man giraray sa mga awtoridad na maseguro kan seguridad sa eleksyon nganing dai na sinda maulang kan trabajo bilang mga awtoridad.

An PNP Bicol madestino nin mga kapupulisan sa mga voting centers mantang sa upper barangay mga miembros kan militar.