Transport strike sa Albay matuninong, sabi kan PNP

Naglansar nin transport strike sa Albay kan Septiemvre 29, 2026 mientras na kulang an nagparticipar alagad sinabi kan PRO 5 sa pamamayo ni BGen Randy Glenn Silvio na naging matuninong an paz y orden sa ginibong juelga sa tahaw kan winarak na miembros kan PNP sa mga estratihikong lugar.

Kun dati activo an transport sector sa Ciudad nin Naga asin Camarines Sur alagad mayo nang nagpaheling nin interes nganing magsabay sa protesta.

An isyu kan sektor nin transporte na hinahagad sa gobierno na iimplementar na an pagbaba an pig-iimponer na buhis o VAT asin excise tax nganing maghuros man an presyo sa produkto nin petrolyo.

Pera nang administrasyon nasyonal padagos na dai dinadangog an sinambit na sektor sa pagbasura kan mga buhis mala ngani sa presenting administrasyon garong daing pakiaram sa isyu.

An pagparalangkaw sa presyo kan produkto nin petrolyo nagpoon kan nangyayaring giyera sa Middle East.

An epekto sa ngunian iyo an paglangkaw kan flete sa mga pampasajerong sasakyan matapos aprubaran kan Department of Transportation and Communication.