Tres anyos na aki lalaki saka raotan payo na-rescue kan CSWDO

Tolos nag-aksyon an opisina kan City Social Welfare and Development Office (CSWDO) kan lokal na gobierno kan Ciudad nin Naga sa sombong sa nawawarang tres anyos na aking lalaki asin sarong lalaking kapay-kapay.

An duwa na dai na nginaranan kan CSWDO, enot nabawi an tres anyos na aki nin ‘‘atras boy’’ asin an raot an payong lalaki nadakop mga alas 11:00 nin banggui kan Lunes, Marso 6.

Si Annabel Vargas, jefe kan CSWDO nagpahayag an tres anyos yaon sa pangangataman kan magurang na aki nin sarong barangay kapitan sa Tinambac, Camarines Sur asin nakua sa Barangay Abella, Ciudad nin Naga asin an lalaki nakua sa M.T Villanueva Avenue yaon na sa kustodiya kan mental hospital kan Bicol Medical Center sa Pili, Camarines Sur.

Alagad sinabi pa ni Vargas pakatapos kan ‘‘treatment’’ kan lalaki sa hospital, ibabalik sa familia.

Sinabi pa ni Vargas an tres anyos na aki, gustong bawion kan magurang na an trabajo sarong ‘‘atras boy’’ alagad dai tinao kan CSWDO huli ta mayong kakayahan na buhayon an saindang aki na napapabayaan envez yaon sa kustodiya kan ahencia.

An lalaki raot an payo pigrereclamo kan mga residentes sa Peñafrancia Avenue asin M.T. Villanueva Avenue na iyo an parawarak kan basura sa tinampo asin paragapo.

Nagpasalamat man an mga residentes huli kan aksyon kan CSWDO kan City Hall.

An sinabit na opisna sa City Hall iyo an nagre-rescue kan mga aking layas na napapabayaan kan saindang magurang.