UKAY-UKAY AN KALSON!

Tigsik ko si Dr. Wong

Oragon na parabulong

Poon pa kan tiempo Hapon

Daeng ontok an bahon!

Tigsik ko po si Clara

Suanoy na daraga

An kalson niya cacha

Wow, pig-aarmidol pa!

Tigsik ko si Kulafo

Sarong antigong tawo

Mayo nang calendario

Mayo pang apelledo!

Tigsik ko man an Agta

Ubos-ubos biyaya

Pagkaaga tunganga

Ramugramog nin muta’!

Tigsik ko si Marites

Solid kun mangchismis

Rinadas an kataid

Alagad siya balungis!

Tigsik ko si Corazon

Nanalean kan aircon

Pasadpasad na sa mall

Ukay-ukay an kalson!