‘Undas’ 26 sa Bicol matuninong - PNP
Ribo-ribong mga familia an nagpasiring sa mga kamposanto sa mga provincias kan Kabikolan alagad heneralmente naging matuninong si paz y orden base osip kan mga provincial director sa PRO5, Ciudad nin Legazpi.
Si PBGEN Randy Glenn Silvio, Regional Director kan Police Regional Office 5 (PRO5) nag-bisita mismo sa nagkaperang mga Municipal Police Station sa Camarines Sur, Albay asin iba pang lugar sa rehiyon na nagwalat nin directiva sa mga MPS na segurohon na magpatrolya sa mga kamposanto sa saindang area of responsibility.
An mga pribado asin pampublicong kamposanto sa mga manlaen-laen na banwaan iguang nakawarak na kapupulisan asin katuwang an mga barangay tanod.
An police visibility dakulang bagay nganing maseguro an paz y orden mantang si mga ribo-ribong tawo o familia nagpasiring sa mga kamponsanto.
Sa Ciudad nin Naga na iguang pampublicong camposanto asin pribado ribo-ribong an yaon sa mga kamposanto.
An mga kamponsanto sa Naga, kinababalehan kan Concepcion Pequeña Public Cemetery, Eternal Garden asin Santo Niño Memorial Park sa Barangay Balatas, Heavenly Peace, Peñafrancia Cemetery, asin Columbary Balatas.
An Naga City Police Office asin Public Safety Office kan City Hall nagtarabang sa pagmantenir sa paz y orden asin pagmantenir sa bulos nin trafico.
Comments