URAG-URAGON NA AGILA

Tigsik ko po ining Tatay nindo

Ano pa an nalingawan na gibo?

Habo pa nanggad magtagbang sa trono

Hanep! Nag-iihi na sa calsonsilyo!

Tigsik ko an uwak duman sa kadlagan

An benino saen daw guminikan?

An lanit namana kan kapag-arakian

Hasta ngonian marara kun mangtuklaw!

Tigsik ko an maconsuelong wheelchair

Paboritong sakayan kan Great Pretender

Hinay-hinay sana po mga Madam/Sir

Tibaad an diretso nindo kayan sa prison cell!

Tigsik ko si Madam Sobrang Taray

Tender Loving Care an Jowalalay

Kugoskugos kan pigbuklos sa hospital

Tibaad magkanta, never nang babayaan!

Tigsik ko an ek-ek kan duwang bruha

Dae na gayod kayang pagsuhayon pa

Hasta saen daw matatapos an drama?

Tibaad duman sa laog kan selda?!!!

Tigsik ko an urag-uragon na agila

Sa publico, naglalaad an mga mata

Alagad kun ini solo-solo na sana

Nagtatakig sa multong ginibo ninda!