top of page

Urulay sa Cha-cha napapanahon na

Nagkapera nang administrasyon an enot nang nagplano na dapat ponan na an pag-adal asin pag-enmienda kan 1987 constitution alagad nagpapalyar.

Si Congresista LRay Villafuerte kan segundo distrito kan Camarines Sur nagpahayag na dapat ponan na an urulay mapadapit sa isyu sa political amendments kan 1987 constitution siring kan term limits, estraktura kan gobierno asin iba pa.


Dapat magkaigwa na nin mahiwas na diskusyon nganing ipatama sa mga programa asin plano sa ‘‘globalization’’ para sa pag-asenso kan satuyang nasyon.


An representante kan segundo distrito nagplantiar nin House Bill No. 4926 na saiyang pigtutulod sa Camara-Baja na dapat iprioridad na an pagpili nin Constitution Convention delegates. Mantang si Cagayan de Oro Rep. Rufus Rodriguez nagsangat man nin House Joint Resolution No. 12 na nag-eestabliser nin Con-Con nganing tutukan an pag-adal asin pag-enmienda sa economic provisions kan konsitusyon.


An HB 4926 para man sa pagpili nin mga delegado cada distrito sa nasyon.


Nagsikad na sa House Committee on Constitutional Amendment an deliberasyon sa pigtutulod na charter-change (cha-cha) sa pag-enmienda kan 1987 constitution.


Sa FB page kan lehislador nagkapera sa mga kahapotan iyo an minasunod: Nagpapabor kamo na an eleksyon nin mga opisyal cada ika-tolong taon o gibohon nang apat hasta limang taon nganing maibitaran an amay na ‘‘political divisiveness’’ sa satong nasyon?; Pabor kamo na ribayan an satong sistema kan gobierno pasiring ‘‘parliamentary form?’’; Pabor kamo na an pagpili nin mga senador paagihon na sa rehiyonal envez kan presenting nasyonal?; asin Ano dapat bagohon na an constitutional provision sa ‘‘foreign ownership’’ nganing dakul maglaog na investors sa satong nasyon para sa dugang na trabajo.


Dai mahahalian nin may pabor asin makontra alagad an mahalaga pig-uurulayan, sabi pa. (dpa)

Comentários


bottom of page