Viaje kan commuter train 1 bulan nang paralisado

Paralisado pa an viaje kan commuter train kan Philippine National Railways (PNR) sa Camarines Sur langkag na an mga regular na pasajeros sa mga banwaan kan railroad town.


Masarong bulan nang mayong viaje matapos maraot an makina na kaipuhan pang halaton an pig-order kan lokal na manijamiento sa Manila.


Si Greg Manio, district supervisor kan PNR sa Camarines Sur nagpahayag na sainda pang hinahalat an pag-abot kan pyesa sa makina na posibleng mag-abot na ano man na aldaw ngunian na semana.


An makina asin kotse kan train loma asin dai maiibitaran na mag-aberiya.


An commuter train an saindang viaje hale sa Sipocot PNR Station sa Sipocot, Camarines Sur sundo sana sa Naga City PNR Station.


An iba pang mga banwaan na inaagihan kan viaje hale sa Libmanan, Pamplona sagcod sa Naga Station.


Dakulang tabang sa mga pasajeros mantang barato an flete alagad nagtatao pa nin veinte por cientong diskuwento sa senior citizen, PWDs asin estudiante.


Enot nang sinabi kan PNR Naga na dawa na ngani minsan break even sana an saindang ingreso an mahalaga nagpapadagos an serbisyo kan commuter train.


An mga Bicolano langkag na sa pangako kan gobierno sa iimplementar na modernisasyon kan perrokaril.


Kan magbisita sa Ciudad nin Legazpi si Secretaryo Arthur Tugade kan Department of Transportation (DOTr), pinangako naman na posibleng marealisar na an modernisasyon sa masunod na taon 2022.


Igwa nang inutang sa nasyon kan China an Filipinas na cantidad P175 bilyon alagad an makontrata kan proyekyo Chinese Construction firm. (dpa)