Viaje kan tren liwat madagdag

Liwat madagdag an mga viaje kan Philippine National Railways (PNR) sa Camarines Sur asin Albay sa sunod na bulan nin Septiembre 2024 alagad piglinaw kan manijamiento bako lang para sa maabot na Peñafrancia fiesta envez dagos-dagos siring kan presenting regular na mga viaje aroaldaw-aldaw.

An mga rutang Naga-Legazpi, Naga - Ligao, Naga - Sipocot vice versa gabos may dugang na mga viaje mantang dai paman nagtalaan nin oras.

Sa ngunian an presenting oras kan mga biyahe sa Naga-Legazpi alas 4:30 nin aga, alas 10:00 nin aga; Legazpi-Naga alas 4:49 nin aga asin alas 10:17 nin aga. Sa Naga-Sipocot alas 5:20 nin aga asin alas 10:40 nin aga; Sipocot-Naga alas 6:40 nin aga asin alas 12:00 nin udto.

Sa mga viajeng hapon – Naga-Legazpi alas 5:30 nin hapon, Legazpi-Naga – alas 5:30 nin hapon, Naga-Sipocot – alas 3:30 nin hapon asin Sipocot- Naga alas 4:45 nin hapon.

An perokaril dating regular si viajeng Bicol - Manila alagad kan Oktubre 26, 2012 nagkaigua nin makusog na bagyong Ofel sa Luzon na sagcod nagkaigua nin mga danyos sa ibang mga relis asin dagos nang sinuspende kaidto kan Department of Transportation asin kan Hulyo 2023 balik si viajeng Camarines Sur asin Albay alagad mas naenot perang taon an ruta kan Naga-Sipocot.

An pagkaigua nin commuter train sa Albay asin Camarines Sur huli ta dakul nang bakanteng kotse kan tren an dinadara digdi huli ta nagkakaigua nin proyecto sa North South Commuter Railways.